saKHi se chhuT kar jaenge ghar aap

'saḳhī' se chhūT kar jā.eñge ghar aap

ajī kuchh ḳhair bhī hai haiñ kidhar aap

vo āshiq haiñ ki marne par hamāre

kareñge yaad ham ko umr bhar aap

parī samjheñ parī, hūreñ kaheñ huur

hue kis nuur ke paidā bashar aap

na āshiq haiñ zamāne meñ na ma.ashūq

idhar ham rah ga.e haiñ aur udhar aap

dikhā.eñge ham apnī lāġharī bhī

abhī to dekhiye apnī kamar aap

mire naale agar sunñe kā hai shauq

to sāhab haath rakhiye kaan par aap

rasā.ī us ke zulfoñ tak na hogī

'saḳhī' be-fā.eda māreñ na sar aap

'saKHi' se chhuT kar jaenge ghar aap

aji kuchh KHair bhi hai hain kidhar aap

wo aashiq hain ki marne par hamare

karenge yaad hum ko umr bhar aap

pari samjhen pari, huren kahen hur

hue kis nur ke paida bashar aap

na aashiq hain zamane mein na mashuq

idhar hum rah gae hain aur udhar aap

dikhaenge hum apni laghari bhi

abhi to dekhiye apni kamar aap

mere nale agar sunne ka hai shauq

to sahab hath rakhiye kan par aap

rasai us ke zulfon tak na hogi

'saKHi' be-faeda maren na sar aap