saliqa hai mujhe taron se lau lagane ka

salīqa hai mujhe tāroñ se lau lagāne kā

ki maiñ charāġh nahīñ daaġh ke gharāne kā

vo dekh barf ke phūloñ meñ jāgtī hai sahar

yahī hai kyā tirā andāz muskurāne kā

ḳhulūs shart hai pī lūñgā zahr bhī ai dost

to pahle siikh mujhe Dhañg āzmāne kā

liyā jo shāḳh-e-gul-e-tar ko jhuk ke bāñhoñ meñ

vo ik bahāna thā tujh ko gale lagāne kā

chalī jo yaad tumhārī alakh jagātī huī

bhaTak gayā koī jogī kisī Thikāne kā

uḌuuñ to chuum luuñ tujh ko ki ek jugnū huuñ

tū ḳhvāb hai kisī parbat ke shāmiyāne kā

mirī lagan kā safīna na Duub jaa.e kahīñ

tirā vajūd bhañvar hai kisī bahāne kā

tire kalām tire jaam tere naam se 'prem'

chamak rahā hai sitāra tire zamāne kā

saliqa hai mujhe taron se lau lagane ka

ki main charagh nahin dagh ke gharane ka

wo dekh barf ke phulon mein jagti hai sahar

yahi hai kya tera andaz muskurane ka

KHulus shart hai pi lunga zahr bhi ai dost

to pahle sikh mujhe Dhang aazmane ka

liya jo shaKH-e-gul-e-tar ko jhuk ke banhon mein

wo ek bahana tha tujh ko gale lagane ka

chali jo yaad tumhaari alakh jagati hui

bhaTak gaya koi jogi kisi Thikane ka

uDun to chum lun tujh ko ki ek jugnu hun

tu KHwab hai kisi parbat ke shamiyane ka

meri lagan ka safina na Dub jae kahin

tera wajud bhanwar hai kisi bahane ka

tere kalam tere jam tere nam se 'prem'

chamak raha hai sitara tere zamane ka