aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sana-e-KHwaja mere zehn koi mazmun soch

Aasi Karnali

sana-e-KHwaja mere zehn koi mazmun soch

Aasi Karnali

MORE BYAasi Karnali

    sanā-e-ḳhvāja mere zehn koī mazmūñ soch

    janāb vādī-e-hairat meñ gum huuñ kyā sochūñ

    zabān marhala-e-mad.h pesh hai kuchh bol

    majā-e-harf-zadan nahīñ hai kyā bolūñ

    qalam bayāz-e-aqīdat meñ koī misrā likh

    bajā kahā sar-e-taslīm ḳham hai kyā likhkhūñ

    shu.ūr un ke maqām-e-payambarī ko samajh

    maiñ qaid-e-had meñ huuñ vo be-karāñ maiñ kyā samjhūñ

    ḳhirad ba-qadr-e-rasā.ī to un ke ilm ko jaan

    maiñ nā-rasā.ī nuqta huuñ un ko kyā jānūñ

    ḳhayāl gumbad-e-ḳhazrā samt uḌ par khol

    ye maiñ huuñ aur ye mere bāl-o-par haiñ kyā kholūñ

    talab madīne chaleñ nekiyoñ ke daftar bāñdh

    yahāñ ye raḳht-e-safar nahīñ hai kyā bāñdhūñ

    nigāh dekh ki hai rū-ba-rū dyār-e-jamāl

    hai zarra zarra yahāñ āftāb kyā dekhūñ

    dil un se harf-e-duā sheva-e-tamanna maañg

    bilā savāl vo dāman bhareñ to ''kyā māñgūñ

    huzūr ijz-e-bayāñ ko bayāñ samajh lījiye

    tihī hai dāman-e-fan āstāñ pe kyā lā.ūñ

    sana-e-KHwaja mere zehn koi mazmun soch

    janab wadi-e-hairat mein gum hun kya sochun

    zaban marhala-e-madh pesh hai kuchh bol

    maja-e-harf-zadan hi nahin hai kya bolun

    qalam bayaz-e-aqidat mein koi misra likh

    baja kaha sar-e-taslim KHam hai kya likhkhun

    shuur un ke maqam-e-payambari ko samajh

    main qaid-e-had mein hun wo be-karan main kya samjhun

    KHirad ba-qadr-e-rasai to un ke ilm ko jaan

    main na-rasai ka nuqta hun un ko kya jaanun

    KHayal gumbad-e-KHazra ki samt uD par khol

    ye main hun aur ye mere baal-o-par hain kya kholun

    talab madine chalen nekiyon ke daftar bandh

    yahan ye raKHt-e-safar hi nahin hai kya bandhun

    nigah dekh ki hai ru-ba-ru dyar-e-jamal

    hai zarra zarra yahan aaftab kya dekhun

    dil un se harf-e-dua shewa-e-tamanna mang

    bila sawal wo daman bharen to kya mangun

    huzur ijz-e-bayan ko bayan samajh lijiye

    tihi hai daman-e-fan aastan pe kya laun

    Source:

    Pakistani Adab (Pg. 66)

      • Publisher: Academy Adabiyat Pakistan, Islamabad
      • Year of Publication: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now