sanbhaal qalb-o-jigar tegh uTha nazar na bacha

sañbhāl qalb-o-jigar teġh uThā nazar na bachā

tirā gumāñ ye ġhalat hai ki koī sar na bachā

koī diyā koī bādal koī shajar na bachā

havā chalī to koī naqsh-e-motabar na bachā

sanad liye hue parvāz kī fazāoñ se

maiñ yuuñ zamīn pe utrā ki koī par na bachā

ba-juz amal koī nisbat na kaam aa.egī

ḳhudā ke qahr se to 'nūh' kā pisar na bachā

ajiib ma.arka ye vahm-o-e.atibār meñ thā

usī kī teġh chalī aur usī kā sar na bachā

sanbhaal qalb-o-jigar tegh uTha nazar na bacha

tera guman ye ghalat hai ki koi sar na bacha

koi diya koi baadal koi shajar na bacha

hawa chali to koi naqsh-e-motabar na bacha

sanad liye hue parwaz ki fazaon se

main yun zamin pe utra ki koi par na bacha

ba-juz amal koi nisbat na kaam aaegi

KHuda ke qahr se to 'nuh' ka pisar na bacha

ajib marka ye wahm-o-eatibar mein tha

usi ki tegh chali aur usi ka sar na bacha