aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sang-e-jafa ka gham nahin dast-e-talab ka Dar nahin

Nazm Tabatabai

sang-e-jafa ka gham nahin dast-e-talab ka Dar nahin

Nazm Tabatabai

MORE BYNazm Tabatabai

    sañg-e-jafā ġham nahīñ dast-e-talab Dar nahīñ

    apnā hai us par āshiyāñ naḳhl jo bārvar nahīñ

    sunte ho ahl-e-qāfila maiñ koī rāhbar nahīñ

    dekh rahā huuñ tum meñ se ek bhī raah par nahīñ

    maut ghar hai āsmāñ is se kahīñ mafar nahīñ

    nikleñ to koī dar nahīñ bhāgeñ to rahguzar nahīñ

    pahle jigar par aah naam na thā nishāñ na thā

    āḳhir-e-kār ye huā aah to hai jigar nahīñ

    sub.h-e-azal se tā-abad qissa na hogā ye tamām

    jaur-e-falak dāstāñ aisī bhī muḳhtasar nahīñ

    barg-e-ḳhizāñ-rasīda huuñ chheḌ na mujh ko ai nasīm

    zauq fuġhāñ hai mujhe shikva-e-abr-e-tar nahīñ

    munkir-e-hashr hai kidhar dekhe aañkh khol kar

    hashr jo ḳhabar na de aisī koī sahar nahīñ

    shabnam o gul ko dekh kar vajd na aa.e kis tarah

    ḳhanda be-sabab nahīñ girya be-asar nahīñ

    tere faqīr ġhurūr tājvaroñ se hai sivā

    tarf-e-kulah meñ de shikan us ko ye dard-e-sar nahīñ

    koshak o qasr o bām-o-dar ne binā kiye to kyā

    haif hai ḳhānumāñ-ḳharāb dil meñ kisī ke gher nahīñ

    nāla-kashī raqīb se merī tarah muhāl hai

    dil nahīñ hausla nahīñ zohra nahīñ jigar nahīñ

    shātir-e-pīr-e-āsmāñ vāh-rī terī dastburd

    ḳhusrav o kaiqibād teġh nahīñ kamar nahīñ

    shaan karīm ye hai haañ se ho peshtar atā

    lutf atā kyā ho jab haañ se ho peshtar nahīñ

    laakh vo be-ruḳhī kare laakh vo kaj-ravī kare

    kuchh to malāl is ho dil ko mire magar nahīñ

    sun ke burā na māniye sach ko na jhuuT jāniye

    zikr hai kuchh gila nahīñ baat hai neshtar nahīñ

    sang-e-jafa ka gham nahin dast-e-talab ka Dar nahin

    apna hai us par aashiyan naKHl jo barwar nahin

    sunte ho ahl-e-qafila main koi rahbar nahin

    dekh raha hun tum mein se ek bhi rah par nahin

    maut ka ghar hai aasman is se kahin mafar nahin

    niklen to koi dar nahin bhagen to rahguzar nahin

    pahle jigar par aah ka nam na tha nishan na tha

    aaKHir-e-kar ye hua aah to hai jigar nahin

    subh-e-azal se ta-abad qissa na hoga ye tamam

    jaur-e-falak ki dastan aisi bhi muKHtasar nahin

    barg-e-KHizan-rasida hun chheD na mujh ko ai nasim

    zauq fughan ka hai mujhe shikwa-e-abr-e-tar nahin

    munkir-e-hashr hai kidhar dekhe tu aankh khol kar

    hashr ki jo KHabar na de aisi koi sahar nahin

    shabnam o gul ko dekh kar wajd na aae kis tarah

    KHanda be-sabab nahin girya be-asar nahin

    tere faqir ka ghurur tajwaron se hai siwa

    tarf-e-kulah mein de shikan us ko ye dard-e-sar nahin

    koshak o qasr o baam-o-dar tu ne bina kiye to kya

    haif hai KHanuman-KHarab dil mein kisi ke gher nahin

    nala-kashi raqib se meri tarah muhaal hai

    dil nahin hausla nahin zohra nahin jigar nahin

    shatir-e-pir-e-asman wah-ri teri dastburd

    KHusraw o kaiqibaad ki tegh nahin kamar nahin

    shan karim ki ye hai han se ho peshtar ata

    lutf ata ka kya ho jab han se ho peshtar nahin

    lakh wo be-ruKHi kare lakh wo kaj-rawi kare

    kuchh to malal is ka ho dil ko mere magar nahin

    sun ke bura na maniye sach ko na jhuT jaaniye

    zikr hai kuchh gila nahin baat hai neshtar nahin

    Source:

    Deewan-e-Tabatabai (Rekhta Website) (Pg. 165)

    • Author: Nazm Tabatabai
      • Edition: 1933
      • Publisher: Maktaba Ibrahimiya, Hyderabad
      • Year of Publication: 1933
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now