sard mausam hai bahut hijr ka aazar bhi hai

sard mausam hai bahut hijr kā āzār bhī hai

kyā kaheñ tujh se ye dil ġham meñ giraftār bhī hai

kaise kah duuñ kī tire baa'd mujhe chain paḌā

sub.h ġhamgīn mirī raat dil-āzār bhī hai

zindagī kahtī hai Thahro na baḌho aur baḌho

manzileñ duur haiñ aur rāsta dushvār bhī hai

na.ī ta.amīr kā saudā hai sar-o-dil meñ magar

sāmne sahn kī girtī huī dīvār bhī hai

merā maddāh mire fan se nahīñ shahr kā shahr

ḳhud kī pahchān meñ kirdār kā kirdār bhī hai

har kisī se nahīñ miltā huuñ maiñ jhuk kar 'shauqī'

darmiyāñ apne koī chiiz ye me.aar bhī hai

sard mausam hai bahut hijr ka aazar bhi hai

kya kahen tujh se ye dil gham mein giraftar bhi hai

kaise kah dun ki tere ba'd mujhe chain paDa

subh ghamgin meri raat dil-azar bhi hai

zindagi kahti hai Thahro na baDho aur baDho

manzilen dur hain aur rasta dushwar bhi hai

nai tamir ka sauda hai sar-o-dil mein magar

samne sahn ki girti hui diwar bhi hai

mera maddah mere fan se nahin shahr ka shahr

KHud ki pahchan mein kirdar ka kirdar bhi hai

har kisi se nahin milta hun main jhuk kar 'shauqi'

darmiyan apne koi chiz ye mear bhi hai