aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sarsabz mausamon ka nasha bhi mere liye

Rajinder Manchanda Bani

sarsabz mausamon ka nasha bhi mere liye

Rajinder Manchanda Bani

MORE BYRajinder Manchanda Bani

    Interesting Fact

    Vol 114, Dec-March 1980

    sarsabz mausamoñ nasha bhī mire liye

    talvār tarah hai havā bhī mire liye

    mere liye haiñ manzar-o-ma.anī hazār rañg

    lafzoñ ke darmiyāñ hai ḳhalā bhī mire liye

    shāmil huuñ qāfile meñ magar sar meñ dhuñd hai

    shāyad hai koī raah judā bhī mire liye

    maiñ ḳhush huā ki muzhda safar mujhe milā

    phailā huā hai dasht-e-sazā bhī mire liye

    dekhūñ maiñ aa.ina to dhuāñ phail phail jaa.e

    bolūñ to ajnabī hai sadā bhī mire liye

    mere liye tamām aziyyat tamām qahr

    aur phuul se laboñ pe duā bhī mire liye

    'bānī' ajab tarah se khulī ḳhush-muqaddarī

    barg-e-shafaq bhī barg-e-hinā bhī mire liye

    sarsabz mausamon ka nasha bhi mere liye

    talwar ki tarah hai hawa bhi mere liye

    mere liye hain manzar-o-mani hazar rang

    lafzon ke darmiyan hai KHala bhi mere liye

    shamil hun qafile mein magar sar mein dhund hai

    shayad hai koi rah juda bhi mere liye

    main KHush hua ki muzhda safar ka mujhe mila

    phaila hua hai dasht-e-saza bhi mere liye

    dekhun main aaina to dhuan phail phail jae

    bolun to ajnabi hai sada bhi mere liye

    mere liye tamam aziyyat tamam qahr

    aur phul se labon pe dua bhi mere liye

    'bani' ajab tarah se khuli KHush-muqaddari

    barg-e-shafaq bhi barg-e-hina bhi mere liye

    Source:

    Shabkhoon (Urdu Monthly) (Pg. 871)

    • Author: Shamsur Rahman Faruqi
      • Edition: June December 2005áIssue No. 293 To 299âPart II
      • Publisher: Shabkhoon Po. Box No.13, 313 rani Mandi Allahabad
      • Year of Publication: June December 2005áIssue No. 293 To 299âPart II
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now