aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

سودائے سجدہ شام و سحر میرے سر میں ہے

رنجور عظیم آبادی

سودائے سجدہ شام و سحر میرے سر میں ہے

رنجور عظیم آبادی

MORE BYرنجور عظیم آبادی

    سودائے سجدہ شام و سحر میرے سر میں ہے

    اے بت کشش کچھ ایسی ترے سنگ در میں ہے

    میں کب ہوں یہ مرا تن بے جاں حضر میں ہے

    روح روان قالب تن تو سفر میں ہے

    یہ ایک اثر تو ادویۂ چارہ گر میں ہے

    شدت اب اور بھی مرے درد جگر میں ہے

    سودائے عشق زلف سیہ جس کے سر میں ہے

    کب مطلق امتیاز اسے نفع و ضرر میں ہے

    کیا آئے گا کسی بت شیریں دہن پہ دل

    کیوں میٹھا میٹھا درد ہمارے جگر میں ہے

    چھیڑا مجھے کہ نوح کا طوفاں بپا ہوا

    اک بحر اشک بند مری چشم تر میں ہے

    پہنچا کسی کو صدمہ کہ ہم لوٹنے لگے

    سارے جہاں کا درد ہمارے جگر میں ہے

    نوک مژہ کا رہنے لگا دل میں پھر خیال

    شدت کی ٹیس پھر مرے زخم جگر میں ہے

    سودائے زلف یار میں ہے درد سر ضرور

    اک خاص لطف بھی مگر اس درد سر میں ہے

    میرا یہ نخل دل بھی ہے آزاد مثل سرو

    گل اس شجر میں ہے نہ ثمر اس شجر میں ہے

    چاہے تو لا مکاں کی بھی لے آئے یہ خبر

    یہ زور طائر دل بے بال و پر میں ہے

    دشنام سے بھی یار کی آتی ہے بوئے لطف

    کچھ شک نہیں کہ خیر نہاں اس کے شر میں ہے

    کچھ شک نہیں کہ قرب قیامت کی ہے دلیل

    یہ فتنہ و فساد کہ اب بحر و بر میں ہے

    ہو اس سے میرے دیدۂ تر کا مقابلہ

    رنجورؔ اس کی تاب کہاں ابر تر میں ہے

    RECITATIONS

    نعمان شوق

    نعمان شوق,

    نعمان شوق

    سودائے سجدہ شام و سحر میرے سر میں ہے نعمان شوق

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے