sehr-e-talab na KHwab-e-fusun mujhko mil gaya

sehr-e-talab na ḳhvāb-e-fusūñ mujh ko mil gayā

niiñd aa ga.ī to ḳhud hī sukūñ mujh ko mil gayā

maiñ chāhtā huuñ ḳhaak uḌā.ūñ jahān kī

ye kaisī aag kaisā junūñ mujh ko mil gayā

ye phuul le kar us kī taraf jā rahā thā maiñ

lekin vo rāste meñ hī kyoñ mujh ko mil gayā

kal tak to āñsūon se pareshāñ thā aur ab

ahvāl-e-dil bhī aaj zubūñ mujh ko mil gayā

us peḌ ko ghamanD bahut thā bahār meñ

lekin ḳhizāñ meñ vo bhī nigūñ mujh ko mil gayā

ik yaad ghar meñ saa.e kī sūrat rahī 'fidā'

ik aks aa.ine ke darūñ mujh ko mil gayā

sehr-e-talab na KHwab-e-fusun mujh ko mil gaya

nind aa gai to KHud hi sukun mujh ko mil gaya

main chahta hun KHak uDaun jahan ki

ye kaisi aag kaisa junun mujh ko mil gaya

ye phul le kar us ki taraf ja raha tha main

lekin wo raste mein hi kyon mujh ko mil gaya

kal tak to aansuon se pareshan tha aur ab

ahwal-e-dil bhi aaj zubun mujh ko mil gaya

us peD ko ghamanD bahut tha bahaar mein

lekin KHizan mein wo bhi nigun mujh ko mil gaya

ek yaad ghar mein sae ki surat rahi 'fida'

ek aks aaine ke darun mujh ko mil gaya