shair bane hain doctor jo doctor na the

shā.ir bane haiñ doctor jo doctor na the

manzil unheñ milī jo sharīk-e-safar na the

gesū-e-yār pahle to yuuñ muḳhtasar na the

fashion hī kuchh tavīl thā yā barber na the

aa.e mirī lahad pe vo ġhairoñ kī kaar meñ

āñchal tamām ḳhushk thā ruḳhsār tar na the

ḳhāna-ba-dosh agar rahā majnūñ to kyā huā

ye vo zamāna thā kahīñ sahrā meñ ghar na the

us vaqt bhī pahuñchtī thī ghar ghar meñ har ḳhabar

jis vaqt radio na thā ye tār-ghar na the

surḳhāb ke the par lage gul kī kulāh meñ

bulbul kā us meñ ḳhuun thā bulbul ke par na the

shair bane hain doctor jo doctor na the

manzil unhen mili jo sharik-e-safar na the

gesu-e-yar pahle to yun muKHtasar na the

fashion hi kuchh tawil tha ya barber na the

aae meri lahad pe wo ghairon ki kar mein

aanchal tamam KHushk tha ruKHsar tar na the

KHana-ba-dosh agar raha majnun to kya hua

ye wo zamana tha kahin sahra mein ghar na the

us waqt bhi pahunchti thi ghar ghar mein har KHabar

jis waqt radio na tha ye tar-ghar na the

surKHab ke the par lage gul ki kulah mein

bulbul ka us mein KHun tha bulbul ke par na the