shab-e-siyah se niklega mahtab koi
shab-e-siyāh se niklegā māhtāb koī
ufuq meñ dekhte rahiyegā roz ḳhvāb koī
javāb DhūñD ke saare jahāñ se jab lauTe
hameñ to kar gayā yak-laḳht lā-javāb koī
chaman se nikle haiñ ik phuul toḌ kar ham bhī
lahūluhān se hāthoñ meñ hai gulāb koī
mileñ to kaise mileñ jaa.eñ to kahāñ jaa.eñ
ki kar rahā hai bahut ham se ijtināb koī
bikherte hue sonā zamīñ meñ chāroñ taraf
ubhar rahā hai samundar se āftāb koī
'māmūn' chāroñ taraf mere ab añdherā hai
ubhar ke Duub gayā mujh meñ āftāb koī
shab-e-siyah se niklega mahtab koi
ufuq mein dekhte rahiyega roz KHwab koi
jawab DhunD ke sare jahan se jab lauTe
hamein to kar gaya yak-laKHt la-jawab koi
chaman se nikle hain ek phul toD kar hum bhi
lahuluhan se hathon mein hai gulab koi
milen to kaise milen jaen to kahan jaen
ki kar raha hai bahut hum se ijtinab koi
bikherte hue sona zamin mein chaaron taraf
ubhar raha hai samundar se aaftab koi
'mamun' chaaron taraf mere ab andhera hai
ubhar ke Dub gaya mujh mein aaftab koi
Source:
Sanson Ke Paar (Pg. 187)
- Author: Khalil Mamoon
-
- Edition: 2015
- Publisher: Educational Publishing House, Delhi
- Year of Publication: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
