shab-e-tarik mein jab dil mera ghabraata hai
shab-e-tārīk meñ jab dil mirā ghabrātā hai
terī taufīq se rasta bhī nikal aatā hai
laakh tūfān hoñ aur kuchh bhī nazar na aa.e
ik ishāra tirā manzil pe liye jaatā hai
mere aañsū tirī āñkhoñ meñ bhare hote haiñ
muskurātī huuñ maiñ jab tū bhī to muskāta hai
Dūbne lagtā hai jab dil mirā tanhā.ī se
thāmne haath mirā sirf tū hī aatā hai
maiñ tire saa.e meñ mahfūz rahā kartī huuñ
paas aane meñ raqīb aur bhī ghabrātā hai
shab-e-tarik mein jab dil mera ghabraata hai
teri taufiq se rasta bhi nikal aata hai
lakh tufan hon aur kuchh bhi nazar na aae
ek ishaara tera manzil pe liye jata hai
mere aansu teri aankhon mein bhare hote hain
muskuraati hun main jab tu bhi to muskata hai
Dubne lagta hai jab dil mera tanhai se
thamne hath mera sirf tu hi aata hai
main tere sae mein mahfuz raha karti hun
pas aane mein raqib aur bhi ghabraata hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
