shab-e-visal maza de rahi hai tu teri

Suroor Jahanabadi

shab-e-visal maza de rahi hai tu teri

Suroor Jahanabadi

MORE BYSuroor Jahanabadi

    shab-e-visāl mazā de rahī hai 'tuu' terī

    laboñ se gholtī hai qand guftugū terī

    tirī zabāñ ko bigāḌā raqīb-e-bad-ḳhū ne

    ki baat baat meñ gaalī to thī na ḳhū terī

    lagā rahā hai hinā kaun tere hāthoñ meñ

    rulā rahī hai mujhe ḳhuun aarzū terī

    tire sukūt meñ bhī ik adā nikaltī hai

    ki hai chhupī huī parde meñ guftugū terī

    na chaak kar dil-e-be-tāb ko mire zālim

    nikal ke ho kahīñ rusvā na aarzū terī

    kabhī hai qasd haram kabhī hai azm-e-kunisht

    kashāñ kashāñ liye phirtī hai aarzū terī

    shab-e-visal maza de rahi hai 'tu' teri

    labon se gholti hai qand guftugu teri

    teri zaban ko bigaDa raqib-e-bad-KHu ne

    ki baat baat mein gali to thi na KHu teri

    laga raha hai hina kaun tere hathon mein

    rula rahi hai mujhe KHun aarzu teri

    tere sukut mein bhi ek ada nikalti hai

    ki hai chhupi hui parde mein guftugu teri

    na chaak kar dil-e-be-tab ko mere zalim

    nikal ke ho kahin ruswa na aarzu teri

    kabhi hai qasd haram ka kabhi hai azm-e-kunisht

    kashan kashan liye phirti hai aarzu teri

    Source:

    • Book : Mujalla Dastavez (Pg. 86)
    • Author : Aziz Nabeel
    • Publication : Edarah Dastavez (2013-14)
    • Edition : 2013-14
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY