aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shab to wo yan se ruTh ke ghar ja ke so rahe

Nizam Rampuri

shab to wo yan se ruTh ke ghar ja ke so rahe

Nizam Rampuri

MORE BYNizam Rampuri

    shab to vo yaañ se ruuTh ke ghar ke so rahe

    ham tañg aa ke jaan se kuchh khā ke so rahe

    pahle to kuchh vo aate sharmā ke so rahe

    phir lutf uThe jo ham unheñ chauñkā ke so rahe

    kyā maiñ shab-e-visāl meñ ghaḌiyāñ ginā karūñ

    karvaT badal ke kyuuñ mujhe chauñkā ke so rahe

    apnī kahī na merī sunī shaam se vo

    siina chhupā ke hāthoñ se sharmā ke so rahe

    kuchh merī jāñ-kanī na aayā tumheñ ḳhayāl

    mujh ko na saath sone ko farmā ke so rahe

    ham baiThe āñkheñ dekhte haiñ muñh ko takte haiñ

    bātoñ meñ vo to Taal ke bahlā ke so rahe

    mujh ko uThā ke nīchī nigāhoñ se dekh kar

    kuchh dil meñ soch soch ke pachhtā ke so rahe

    un se shab-e-visāl meñ hujjat jo baḌh ga.ī

    kuchh dil meñ soch soch ke pachhtā ke so rahe

    ham kyuuñ batā.eñ ham ne bhī sub.h jis tarah

    shab tum to jāgne qasam khā ke so rahe

    ai baḳht-e-ḳhufta! itnī tāsīr dikhā

    us galī meñ paañv mirā ke so rahe

    tā-sub.h mujh ko maare ḳhushī ke na aa.ī niiñd

    ik aisī baat vo mujhe samjhā ke so rahe

    ai dil ye kyā huā tirī bātoñ ne kyā kiyā

    muñh pher ke udhar ko vo tañg aa ke so rahe

    sotoñ meñ jaan Daal ke añgḌā.iyāñ na lo

    jaage hue ho shab ke jo yaañ aa ke so rahe

    ik dam ko chaukūñ shauq se phir so.uuñ sub.h tak

    is baat ko zabān par ke so rahe

    ye chheḌ dekho mere na sone ke vāste

    andāz ik nayā mujhe dikhlā ke so rahe

    ummīd ḳhvāb meñ bhī na yuuñ dekhne thī

    jis pyaar se vo shab mujhe lipTā ke so rahe

    chhoḌā hai maiñ ne raat na ghar jaane ko unheñ

    jab kuchh na bas chalā to vo jhunjhlā ke so rahe

    maiñ sone dūñgā aap ko kab chain se bhalā

    hai ye to ḳhuub tum mujhe phuslā ke so rahe

    achchhā maiñ paañv dābūñ pa tum jāgte raho

    yuuñ kaun maane hai mujhe bahlā ke so rahe

    kyā sone jāgne nahīñ ham ko imtiyāz

    karvaT badal ke aap jo machlā ke so rahe

    hai kaun vo shab jo sahar tak na jaage ham

    kis din na aap ġhair ke ghar ke so rahe

    hai baḳht-e-ḳhufta aur shab-e-tanhā.ī aur ham

    jāgeñ nasīb saath jo vo aa ke so rahe

    manzūr thā ghaTānā jo ishrat raat

    choTī vo apnī mujh se bandhvā ke so rahe

    furqat shab meñ jāgne se fā.eda 'nizām'

    behtar hai is se gar koī kuchh khā ke so rahe

    shab to wo yan se ruTh ke ghar ja ke so rahe

    hum tang aa ke jaan se kuchh kha ke so rahe

    pahle to kuchh wo aate hi sharma ke so rahe

    phir lutf uThe jo hum unhen chaunka ke so rahe

    kya main shab-e-visal mein ghaDiyan gina karun

    karwaT badal ke kyun mujhe chaunka ke so rahe

    apni kahi na meri suni sham hi se wo

    sina chhupa ke hathon se sharma ke so rahe

    kuchh meri jaan-kani ka na aaya tumhein KHayal

    mujh ko na sath sone ko farma ke so rahe

    hum baiThe aankhen dekhte hain munh ko takte hain

    baaton mein wo to Tal ke bahla ke so rahe

    mujh ko uTha ke nichi nigahon se dekh kar

    kuchh dil mein soch soch ke pachhta ke so rahe

    un se shab-e-visal mein hujjat jo baDh gai

    kuchh dil mein soch soch ke pachhta ke so rahe

    hum kyun bataen hum ne bhi ki subh jis tarah

    shab tum to jagne ki qasam kha ke so rahe

    ai baKHt-e-KHufta! itni hi tasir tu dikha

    us ki gali mein panw mera ja ke so rahe

    ta-subh mujh ko mare KHushi ke na aai nind

    ek aisi baat wo mujhe samjha ke so rahe

    ai dil ye kya hua teri baaton ne kya kiya

    munh pher ke udhar ko wo tang aa ke so rahe

    soton mein jaan Dal ke angDaiyan na lo

    jage hue ho shab ke jo yan aa ke so rahe

    ek dam ko chaukun shauq se phir soun subh tak

    is baat ko zaban hi par la ke so rahe

    ye chheD dekho mere na sone ke waste

    andaz ek naya mujhe dikhla ke so rahe

    ummid KHwab mein bhi na yun dekhne ki thi

    jis pyar se wo shab mujhe lipTa ke so rahe

    chhoDa hai main ne raat na ghar jaane ko unhen

    jab kuchh na bas chala to wo jhunjhla ke so rahe

    main sone dunga aap ko kab chain se bhala

    hai ye to KHub tum mujhe phusla ke so rahe

    achchha main panw dabun pa tum jagte raho

    yun kaun mane hai mujhe bahla ke so rahe

    kya sone jagne ka nahin hum ko imtiyaz

    karwaT badal ke aap jo machla ke so rahe

    hai kaun si wo shab jo sahar tak na jage hum

    kis din na aap ghair ke ghar ja ke so rahe

    hai baKHt-e-KHufta aur shab-e-tanhai aur hum

    jagen nasib sath jo wo aa ke so rahe

    manzur tha ghaTana jo ishrat ki raat ka

    choTi wo apni mujh se hi bandhwa ke so rahe

    furqat ki shab mein jagne se faeda 'nizam'

    behtar hai is se gar koi kuchh kha ke so rahe

    Source:

    kulliyat-e-nizaam (Pg. 277)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now