shagufta bachchon ka chehra dikhai dene lage
shagufta bachchon ka chehra dikhai dene lage
Salam Machhli shahri
MORE BYSalam Machhli shahri
shagufta bachchoñ kā chehra dikhā.ī dene lage
maiñ kyā karūñ ki ujālā dikhā.ī dene lage
ye saḳht zulm hai mālik ki sub.h hote hī
tamām ghar meñ añdherā dikhā.ī dene lage
vo sirf maiñ huuñ jo sau jannateñ sajā kar bhī
udaas udaas sā tanhā dikhā.ī dene lage
maiñ kāmyāb jabhī hūñgā ai rubāb-e-hayāt
ki bazm ko tirā naġhma dikhā.ī dene lage
gulāb ugāne kī aadat se fā.eda kyā hai
agar gulāb meñ sho.ala dikhā.ī dene lage
mirā hī aks sahī phir bhī vo farishta hai
jo ġhair ho ke bhī apnā dikhā.ī dene lage
bahut aliil ho lekin ye buz-dilī hai 'salām'
ki tum ko maut kā saaya dikhā.ī dene lage
shagufta bachchon ka chehra dikhai dene lage
main kya karun ki ujala dikhai dene lage
ye saKHt zulm hai malik ki subh hote hi
tamam ghar mein andhera dikhai dene lage
wo sirf main hun jo sau jannaten saja kar bhi
udas udas sa tanha dikhai dene lage
main kaamyab jabhi hunga ai rubab-e-hayat
ki bazm ko tera naghma dikhai dene lage
gulab ugane ki aadat se faeda kya hai
agar gulab mein shoala dikhai dene lage
mera hi aks sahi phir bhi wo farishta hai
jo ghair ho ke bhi apna dikhai dene lage
bahut alil ho lekin ye buz-dili hai 'salam'
ki tum ko maut ka saya dikhai dene lage
Source:
Intekhab-e-Kalam Salam Machhli Shahri (Pg. 108)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
