shama ke tere karishme ne dil-afrozi ki

sham.a ke tere karishme ne dil-afrozī kī

in ne tab duur ye mahfil kī siyah-rozī kī

aa.e bū garmī-e-ḳhurshīd se dil-sozī kī

sarguzisht apnī kahīñ ham jo siyah-rozī kī

aah parvāna ye kyuuñ sham.a pe jaltā hogā

raat ko bazm meñ bū aatī thī jāñ-sozī kī

qaht-e-ġham-ḳhvār se az-bas-ki ye dil jaltā thā

dil ke jalne pe mirī sham.a ne dil-sozī kī

ashk kā taar le āñkhoñ ne mizha kī sozan

jam.a kar laḳht-e-jigar zor-e-jigar-sozī kī

mahr-o-mah abr-o-havā tere liye sargardāñ

banda suntā hai abas fikr na kar rozī kī

ishq meñ jalte haiñ raushan hai ye un par.....

sham.a ko tarz sikhāyā hai dil-afrozī kī

shama ke tere karishme ne dil-afrozi ki

in ne tab dur ye mahfil ki siyah-rozi ki

aae bu garmi-e-KHurshid se dil-sozi ki

sarguzisht apni kahin hum jo siyah-rozi ki

aah parwana ye kyun shama pe jalta hoga

raat ko bazm mein bu aati thi jaan-sozi ki

qaht-e-gham-KHwar se az-bas-ki ye dil jalta tha

dil ke jalne pe meri shama ne dil-sozi ki

ashk ka tar le aankhon ne mizha ki sozan

jama kar laKHt-e-jigar zor-e-jigar-sozi ki

mahr-o-mah abr-o-hawa tere liye sargardan

banda sunta hai abas fikr na kar rozi ki

ishq mein jalte hain raushan hai ye un par

shama ko tarz sikhaya hai dil-afrozi ki