shama ki tarah shab-e-gham mein pighalte rahiye
shama ki tarah shab-e-gham mein pighalte rahiye
Malikzaada Manzoor Ahmad
MORE BYMalikzaada Manzoor Ahmad
sham.a kī tarah shab-e-ġham meñ pighalte rahiye
sub.h ho jā.egī julte haiñ to jalte rahiye
vaqt chaltā hai uḌātā huā lamhāt kī gard
pairahan fikr kā har roz badalte rahiye
aa.ina sāmne aa.egā to sach bolegā
aap chehre jo badalte haiñ badalte rahiye
aa.ī manzil to qadam aap hī ruk jā.eñge
ziist ko rāh-e-safar jaan ke chalte rahiye
sub.h ho jā.egī haath aa na sakegā mahtāb
aap agar ḳhvāb meñ chalte haiñ to chalte rahiye
ahd-e-imroz ho yā vāda-e-fardā 'manzūr'
TūTne vaale khilaune haiñ bahalte rahiye
shama ki tarah shab-e-gham mein pighalte rahiye
subh ho jaegi julte hain to jalte rahiye
waqt chalta hai uData hua lamhat ki gard
pairahan fikr ka har roz badalte rahiye
aaina samne aaega to sach bolega
aap chehre jo badalte hain badalte rahiye
aai manzil to qadam aap hi ruk jaenge
zist ko rah-e-safar jaan ke chalte rahiye
subh ho jaegi hath aa na sakega mahtab
aap agar KHwab mein chalte hain to chalte rahiye
ahd-e-imroz ho ya wada-e-farda 'manzur'
TuTne wale khilaune hain bahalte rahiye
Source:
Rooh-e-Ghazal,Pachas Sala Intekhab (Pg. 772)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
