sharab Dhalti hai shishe mein phul khilte hain

sharāb Dhaltī hai shīshe meñ phuul khilte haiñ

chale bhī aao ki ab donoñ vaqt milte haiñ

jo ho sake to gale mil ke ro le ai ġham-ḳhvār

ki āñsuoñ hī se dāman ke chaak silte haiñ

ye aur baat kahānī sī koī ban jaa.e

harīm-e-nāz ke parde havā se hilte haiñ

mire lahū se mo.attar tire laboñ ke gulāb

tirī vafā se kañval mere dil ke khilte haiñ

dhaḌak rahā hai masarrat se kā.enāt kā dil

kabhī ke bichhḌe hue dost aaj milte haiñ

sharab Dhalti hai shishe mein phul khilte hain

chale bhi aao ki ab donon waqt milte hain

jo ho sake to gale mil ke ro le ai gham-KHwar

ki aansuon hi se daman ke chaak silte hain

ye aur baat kahani si koi ban jae

harim-e-naz ke parde hawa se hilte hain

mere lahu se moattar tere labon ke gulab

teri wafa se kanwal mere dil ke khilte hain

dhaDak raha hai masarrat se kaenat ka dil

kabhi ke bichhDe hue dost aaj milte hain