sharāb-ḳhāna tirā aisā intiḳhāb nahīñ hai
ḳhavās piite haiñ sab ke liye sharāb nahīñ hai
shikār zulm kā jo haiñ unhīñ pe hai har shiddat
vo jo haiñ zālim un par koī itaab nahīñ hai
ye terā farz hai saaqī mile sabhī ko barābar
hai terā mansab saaqī koī ḳhitāb nahīñ hai
yahāñ to koī nahīñ aadmī sabhī haiñ farishte
mire alāva yahāñ par koī bhī ḳharāb nahīñ hai
faroġh-e-kaifiyat-e-bāda se huā hai ye shādāb
na paḌh ye chehra mirā ye koī kitāb nahīñ hai
sarāb vāhima nazroñ ke sāmne maujūd
dhaḌak rahā hai jo idrāk meñ sarāb nahīñ hai
sharab-KHana tera aisa intiKHab nahin hai
KHawas pite hain sab ke liye sharab nahin hai
shikar zulm ka jo hain unhin pe hai har shiddat
wo jo hain zalim un par koi itab nahin hai
ye tera farz hai saqi mile sabhi ko barabar
hai tera mansab saqi koi KHitab nahin hai
yahan to koi nahin aadmi sabhi hain farishte
mere alawa yahan par koi bhi KHarab nahin hai
farogh-e-kaifiyat-e-baada se hua hai ye shadab
na paDh ye chehra mera ye koi kitab nahin hai
sarab wahima nazron ke samne maujud
dhaDak raha hai jo idrak mein sarab nahin hai
Source:
Rooh-e-Ghazal,Pachas Sala Intekhab (Pg. 279)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
