sharīk-e-ālam-e-kaif-o-surūr maiñ bhī thā
ki raat jashn meñ tere huzūr maiñ bhī thā
ajiib vaqt thā duniyā qarīb thī mere
ġhazab ye thā tire dāman se duur maiñ bhī thā
ġhamoñ ke ghere meñ jab raqs kar rahī thī hayāt
tamāsh-bīñ kī tarah be-shu.ūr maiñ bhī thā
na ruknā raah meñ shart-e-safar meñ shāmil thā
thakan se varna bahut chuur chuur maiñ bhī thā
utar rahā thā lahū kis balā kā āñkhoñ meñ
tire ḳhayāl meñ us dam zarūr maiñ bhī thā
guzarte vaqt ne pahre baiThā diye 'ābid'
ḳhatā.eñ un kī na thiiñ be-qusūr maiñ bhī thā
sharik-e-alam-e-kaif-o-surur main bhi tha
ki raat jashn mein tere huzur main bhi tha
ajib waqt tha duniya qarib thi mere
ghazab ye tha tere daman se dur main bhi tha
ghamon ke ghere mein jab raqs kar rahi thi hayat
tamash-bin ki tarah be-shuur main bhi tha
na rukna rah mein shart-e-safar mein shamil tha
thakan se warna bahut chur chur main bhi tha
utar raha tha lahu kis bala ka aankhon mein
tere KHayal mein us dam zarur main bhi tha
guzarte waqt ne pahre baiTha diye 'abid'
KHataen un ki na thin be-qusur main bhi tha
Source:
Shuwaz (Pg. 93)
-
Author:
Aabid Adeeb
-
- Publisher: Shahid Publications, New Delhi
- Year of Publication: 2001
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
