sharīk-e-ġham mirā saaya nahīñ thā
vagarna dastaras meñ kyā nahīñ thā
sar-e-sahrā-e-ġham tishna-labī thī
lab-e-dariyā koī pyāsā nahīñ thā
ujāle duur tak phaile hue the
pas-e-parda koī chehra nahīñ thā
vo chehre hī tamāzat kho chuke the
ġhubār-ālūda ā.īna nahīñ thā
mire ḳhvāboñ meñ kaise Dhal gayā hai
jise maiñ ne kabhī sochā nahīñ thā
mujhe bhī bad-gumānī ho ga.ī thī
tirā lahja bhī shā.ista nahīñ thā
añdhere meñ nishāñ gum ho ga.e the
musāfir rāsta bhūlā nahīñ thā
sharik-e-gham mera saya nahin tha
wagarna dastaras mein kya nahin tha
sar-e-sahra-e-gham tishna-labi thi
lab-e-dariya koi pyasa nahin tha
ujale dur tak phaile hue the
pas-e-parda koi chehra nahin tha
wo chehre hi tamazat kho chuke the
ghubar-aluda aaina nahin tha
mere KHwabon mein kaise Dhal gaya hai
jise main ne kabhi socha nahin tha
mujhe bhi bad-gumani ho gai thi
tera lahja bhi shaista nahin tha
andhere mein nishan gum ho gae the
musafir rasta bhula nahin tha
Source:
Charagh Jalne Tak (Pg. 148)
-
Author:
Akhtar Saeedi
-
- Publisher: Nadeem Publications, Karachi
- Year of Publication: 1989
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.