sharminda kiyā jauhar-e-bāliġh-nazrī ne
is jins ko bāzār meñ pūchhā na kisī ne
sad shukr kisī kā nahīñ mohtāj-e-karam meñ
ehsān kiyā hai tirī bedād-garī ne
mohtāj thī ā.īne kī tasvīr sī sūrat
tasvīr banāyā mujhe mahfil meñ kisī ne
gul hañste haiñ ġhunche bhī haiñ labrez-e-tabassum
kyā un se kahā jā ke nasīm-e-saharī ne
māyūs na kar de kahīñ un kī nigah-e-garm
ummīd dilā.ī hai mujhe sāda-dilī ne
mehnat hī pe mauqūf hai āsā.ish-e-getī
khoī mirī rāhat mirī rāhat-talabī ne
'vahshat' maiñ nigāhoñ ke tajassus se huuñ āzād
ehsān kiyā mujh pe mirī be-hunarī ne
sharminda kiya jauhar-e-baaligh-nazri ne
is jins ko bazar mein puchha na kisi ne
sad shukr kisi ka nahin mohtaj-e-karam mein
ehsan kiya hai teri bedad-gari ne
mohtaj thi aaine ki taswir si surat
taswir banaya mujhe mahfil mein kisi ne
gul hanste hain ghunche bhi hain labrez-e-tabassum
kya un se kaha ja ke nasim-e-sahari ne
mayus na kar de kahin un ki nigah-e-garm
ummid dilai hai mujhe sada-dili ne
mehnat hi pe mauquf hai aasaish-e-geti
khoi meri rahat meri rahat-talabi ne
'wahshat' main nigahon ke tajassus se hun aazad
ehsan kiya mujh pe meri be-hunari ne
sharminda kiya jauhar-e-baaligh-nazri ne
Nomaan Shauque
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.