shauq jab jurat-e-izhaar se Dar jaega
shauq jab jur.at-e-iz.hār se Dar jā.egā
lafz ḳhud apnā galā ghūñT ke mar jā.egā
tez-raftār havāoñ ko ye ehsās kahāñ
shāḳh se TūTegā pattā to kidhar jā.egā
ye chamaktā huā sūraj bhī mirī shaam ke ba.ad
raat ke gahre samundar meñ utar jā.egā
sirf ik ghar ko Dubonā hī nahīñ kaam is kā
ab ye sailāb kisī aur ke ghar jā.egā
haiñ har ik samt yahī log yahī duniyā hai
in se bach ke koī jaa.e to kidhar jā.egā
kaam itnā to karegā ye ubaltā huā ḳhuun
saare manzar meñ mirā rañg to bhar jā.egā
shauq jab jurat-e-izhaar se Dar jaega
lafz KHud apna gala ghunT ke mar jaega
tez-raftar hawaon ko ye ehsas kahan
shaKH se TuTega patta to kidhar jaega
ye chamakta hua suraj bhi meri sham ke baad
raat ke gahre samundar mein utar jaega
sirf ek ghar ko Dubona hi nahin kaam is ka
ab ye sailab kisi aur ke ghar jaega
hain har ek samt yahi log yahi duniya hai
in se bach ke koi jae to kidhar jaega
kaam itna to karega ye ubalta hua KHun
sare manzar mein mera rang to bhar jaega
Source:
Khayaabaan (Pg. 136)
- Author: Hassan Abbas Raza
-
- Publisher: Bazm-e-Khayaabaan-e-adab, Pakistan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
