shisha hi chahiye na mai-e-arghawan mujhe

shīsha hī chāhiye na mai-e-arġhavāñ mujhe

be-māñge jo mile vahī kaafī hai haañ mujhe

ai shoḳhī-e-nigāh zarā ehtiyāt rakh

is bazm meñ hai pās-e-hadīs-e-butāñ mujhe

yārab mire gunāh kyā aur ehtisāb kyā

kuchh dī nahīñ hai ḳhizr sī umr-e-ravāñ mujhe

chuntā thā rāh-e-zīst ke ḳhāroñ ko maiñ hanūz

hai sab abas ajal ne kahā nā-gahāñ mujhe

lagtā hai ik hujūm meñ gum hai mirā vajūd

Dastī haiñ phir bhī kis liye tanhā.iyāñ mujhe

un ke liye haiñ atlas-o-kamḳhvāb ke sarīr

tan Dhāñkne ko kaafī haiñ kuchh dhajjiyāñ mujhe

kyā kyā sitam zamāne ke maiñ sah gayā 'anīs'

marne ke ba.ad yaad karoge miyāñ mujhe

shisha hi chahiye na mai-e-arghawan mujhe

be-mange jo mile wahi kafi hai han mujhe

ai shoKHi-e-nigah zara ehtiyat rakh

is bazm mein hai pas-e-hadis-e-butan mujhe

yarab mere gunah kya aur ehtisab kya

kuchh di nahin hai KHizr si umr-e-rawan mujhe

chunta tha rah-e-zist ke KHaron ko main hanuz

hai sab abas ajal ne kaha na-gahan mujhe

lagta hai ek hujum mein gum hai mera wajud

Dasti hain phir bhi kis liye tanhaiyan mujhe

un ke liye hain atlas-o-kamKHwab ke sarir

tan Dhankne ko kafi hain kuchh dhajjiyan mujhe

kya kya sitam zamane ke main sah gaya 'anis'

marne ke baad yaad karoge miyan mujhe