shishe ka aadmi hun meri zindagi hai kya
shīshe kā aadmī huuñ mirī zindagī hai kyā
patthar haiñ sab ke haath meñ mujh ko kamī hai kyā
ab shahr meñ vo phuul se chehre nahīñ rahe
kaisī lagī hai aag ye bastī huī hai kyā
maiñ jal rahā huuñ aur koī dekhtā nahīñ
āñkheñ haiñ sab ke paas magar bebasī hai kyā
tum dost ho to mujh se zarā dushmanī karo
kuchh talḳhiyāñ na hoñ to bhalā dostī hai kyā
ai gardish-e-talāsh na manzil na rāsta
merā junūñ hai kyā mirī āvārgī hai kyā
ḳhush ho ke har fareb zamāne kā khā liyā
ye dil hī jāntā hai ki dil par banī hai kyā
do bol dil ke haiñ jo har ik dil ko chhū sakeñ
ai 'ashk' varna sher haiñ kyā shā.irī hai kyā
shishe ka aadmi hun meri zindagi hai kya
patthar hain sab ke hath mein mujh ko kami hai kya
ab shahr mein wo phul se chehre nahin rahe
kaisi lagi hai aag ye basti hui hai kya
main jal raha hun aur koi dekhta nahin
aankhen hain sab ke pas magar bebasi hai kya
tum dost ho to mujh se zara dushmani karo
kuchh talKHiyan na hon to bhala dosti hai kya
ai gardish-e-talash na manzil na rasta
mera junun hai kya meri aawargi hai kya
KHush ho ke har fareb zamane ka kha liya
ye dil hi jaanta hai ki dil par bani hai kya
do bol dil ke hain jo har ek dil ko chhu saken
ai 'ashk' warna sher hain kya shairi hai kya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
