shikayat hum nahin karte riayat wo nahin karte

shikāyat ham nahīñ karte ri.āyat vo nahīñ karte

magar is par sitam koī vazāhat vo nahīñ karte

ravāñ ho kis tarah se chāhatoñ kā kārvāñ apnā

hameñ rusvā.ī kā Dar hai baġhāvat vo nahīñ karte

hamī jalva dikhāte haiñ hamī shoḳhī nigāhoñ se

nahīñ hotā asar phir bhī sharārat vo nahīñ karte

nazar do-chār ho jaa.e to jhuk jaatī haiñ ye palkeñ

magar phir bhī koī jazba ināyat vo nahīñ karte

sabā le kar payām aa.e yā phūloñ kā salām aa.e

kisī bhī mausam-e-dil se mohabbat vo nahīñ karte

koī naama koī email mere naam likh deñ vo

mohabbat meñ kabhī itnī bhī zahmat vo nahīñ karte

shikayat hum nahin karte riayat wo nahin karte

magar is par sitam koi wazahat wo nahin karte

rawan ho kis tarah se chahaton ka karwan apna

hamein ruswai ka Dar hai baghawat wo nahin karte

hami jalwa dikhate hain hami shoKHi nigahon se

nahin hota asar phir bhi shararat wo nahin karte

nazar do-chaar ho jae to jhuk jati hain ye palken

magar phir bhi koi jazba inayat wo nahin karte

saba le kar payam aae ya phulon ka salam aae

kisi bhi mausam-e-dil se mohabbat wo nahin karte

koi nama koi email mere nam likh den wo

mohabbat mein kabhi itni bhi zahmat wo nahin karte