shikasta chhoD kar ye dil hamara

shikasta chhoḌ kar ye dil hamārā

kidhar jaatā rahā qātil hamārā

nahīñ hai aap se inkār ham ko

pasand aa.e to le lo dil hamārā

jo jī chāhe karo hāzir haiñ sab meñ

tumhāre haath meñ hai dil hamārā

na.ī haT hai vo kahte haiñ bigaḌ kar

tirī āġhosh meñ hai dil hamārā

zarā dekho to aakar ro rahā hai

hamārī bekasī par dil hamārā

na siina meñ na pahlū meñ na bar meñ

ilāhī kis taraf hai dil hamārā

kisī pahlū nahīñ ārām detā

balā-e-jāñ huā hai dil hamārā

vo kyūñkar vasl meñ rāhat na dete

musībat āshnā thā dil hamārā

zarā dekho bhī dikhlā do ruḳh apnā

tarastā diid ko hai dil hamārā

nahīñ ummīd āsānī kī tum ko

huā mushkil dam-e-mushkil hamārā

tumhāre lutf se hotā hai āsāñ

nahīñ uqda hai kuchh mushkil hamārā

kisī gul-pairahan kī aarzū se

shagufta hai 'shagufta' dil hamārā

shikasta chhoD kar ye dil hamara

kidhar jata raha qatil hamara

nahin hai aap se inkar hum ko

pasand aae to le lo dil hamara

jo ji chahe karo hazir hain sab mein

tumhaare hath mein hai dil hamara

nai haT hai wo kahte hain bigaD kar

teri aaghosh mein hai dil hamara

zara dekho to aakar ro raha hai

hamari bekasi par dil hamara

na sina mein na pahlu mein na bar mein

ilahi kis taraf hai dil hamara

kisi pahlu nahin aaram deta

bala-e-jaan hua hai dil hamara

wo kyunkar wasl mein rahat na dete

musibat aashna tha dil hamara

zara dekho bhi dikhla do ruKH apna

tarasta did ko hai dil hamara

nahin ummid aasani ki tum ko

hua mushkil dam-e-mushkil hamara

tumhaare lutf se hota hai aasan

nahin uqda hai kuchh mushkil hamara

kisi gul-pairahan ki aarzu se

shagufta hai 'shagufta' dil hamara