aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shikasta-pai se bach kar meri nikal bhi gaya

Asim Wasti

shikasta-pai se bach kar meri nikal bhi gaya

Asim Wasti

MORE BYAsim Wasti

    shikasta-pā.ī se bach kar mirī nikal bhī gayā

    jo rāhbar thā mirā rāsta badal bhī gayā

    karūñgā kyā jo huī phir bhī ātishīñ bārish

    jo sā.ebāñ thā mire sar pe vo to jal bhī gayā

    havā shadīd hai itnī ye jhoñpaḌe nahīñ

    amīr-e-shahr tirā ḳhushnumā mahal bhī gayā

    kamān khīñchne vaalā hadaf shanās na thā

    shikār zad meñ nahīñ thā ki tiir chal bhī gayā

    maiñ sochtā rahā rāste haiñ pechīda

    jo mere saath chalā thā kahīñ nikal bhī gayā

    jo tairnā nahīñ jāntā vo Dūbegā

    zarā der ko kyā hai agar sañbhal bhī gayā

    baḌā biphrā huā dast-e-shāh hai 'āsim'

    bachāo ruuh vo jismoñ ko to kuchal bhī gayā

    shikasta-pai se bach kar meri nikal bhi gaya

    jo rahbar tha mera rasta badal bhi gaya

    karunga kya jo hui phir bhi aatishin barish

    jo saeban tha mere sar pe wo to jal bhi gaya

    hawa shadid hai itni ye jhonpaDe hi nahin

    amir-e-shahr tera KHushnuma mahal bhi gaya

    kaman khinchne wala hadaf shanas na tha

    shikar zad mein nahin tha ki tir chal bhi gaya

    main sochta hi raha raste hain pechida

    jo mere sath chala tha kahin nikal bhi gaya

    jo tairna hi nahin jaanta wo Dubega

    zara si der ko kya hai agar sanbhal bhi gaya

    baDa hi biphra hua dast-e-shah hai 'asim'

    bachao ruh wo jismon ko to kuchal bhi gaya

    Source:

    Kiran Kiran Andhera (Pg. 71)

    • Author: Asim Wasti
      • Publisher: Nairang-e-Khayal Publications, Pakistan
      • Year of Publication: 1989
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now