shikwa-e-beja ki kya un se shikayat hum karen

Mohammad Deen Taseer

shikwa-e-beja ki kya un se shikayat hum karen

Mohammad Deen Taseer

MORE BYMohammad Deen Taseer

    shikva-e-bejā kyā un se shikāyat ham kareñ

    kuchh to haiñ pahle barham aur kyā barham kareñ

    vo tavajjoh deñ to ho ārāsta bazm-e-hayāt

    vo nigāheñ pher leñ to anjuman barham kareñ

    yuuñ badal leñ tāla-e-ḳhurshīd se baḳht-e-siyāh

    āsmāñ tarah sar ko tere dar par ḳham kareñ

    ā.ina-dār-e-numūd-e-husn roz-afzūñ jo ho

    ham kahāñ se roz paidā ik nayā aalam kareñ

    āgahī sar-chashma-e-ranj-o-alam 'tāsīr' hai

    ham ḳhushī se nahīñ vāqif to phir kyā ġham kareñ

    shikwa-e-beja ki kya un se shikayat hum karen

    kuchh to hain pahle hi barham aur kya barham karen

    wo tawajjoh den to ho aarasta bazm-e-hayat

    wo nigahen pher len to anjuman barham karen

    yun badal len tala-e-KHurshid se baKHt-e-siyah

    aasman ki tarah sar ko tere dar par KHam karen

    aaina-dar-e-numud-e-husn roz-afzun jo ho

    hum kahan se roz paida ek naya aalam karen

    aagahi sar-chashma-e-ranj-o-alam 'tasir' hai

    hum KHushi se hi nahin waqif to phir kya gham karen

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY