shikwa-e-jaur-o-jafa ho ye zaruri to nahin

Kanval M. A

shikwa-e-jaur-o-jafa ho ye zaruri to nahin

Kanval M. A

MORE BYKanval M. A

    shikva-e-jaur-o-jafā ho ye zarūrī to nahīñ

    hashr ulfat burā ho ye zarūrī to nahīñ

    arz-e-matlab bhī ḳhatā ho ye zarūrī to nahīñ

    is meñ tauhīn-e-vafā ho ye zarūrī to nahīñ

    haq mohabbat adā ho ye zarūrī to nahīñ

    dard-e-dil bhī davā ho ye zarūrī to nahīñ

    jaur altāf-numā ho ye zarūrī to nahīñ

    ġham talḳhī meñ maza ho ye zarūrī to nahīñ

    ibtidā shauq hotī hai pur-ummīd aksar

    us anjām burā ho ye zarūrī to nahīñ

    is qadar bhī koī bātoñ meñ na aa.e ai dil

    un har baat bajā ho ye zarūrī to nahīñ

    ham ne qurbān kiye ishq meñ jān-o-dil bhī

    hurmat-e-ahl-e-vafā ho ye zarūrī to nahīñ

    maar Daalā tirī ik tarz-e-taġhāful ne mujhe

    aur tajdīd-e-jafā ho ye zarūrī to nahīñ

    maiñ gunahgār-e-mohabbat huuñ ye taslīm magar

    har sitam mujh pe ravā ho ye zarūrī to nahīñ

    dekhiye jaur-e-musalsal pe mire zabt taab

    lab pe shikva ho gila ho ye zarūrī to nahīñ

    jin se ai dil tirā kuchh ḳhaas ta.alluq Thahrā

    un se iz.hār-e-vafā ho ye zarūrī to nahīñ

    tarjumān-e-dil-e-betāb to nazreñ bhī haiñ

    kuchh zabāñ se bhī adā ho ye zarūrī to nahīñ

    dil-e-betāb ko taskīn to mil jaatī hai

    merī har aah rasā ho ye zarūrī to nahīñ

    mujh ko rahbar qayādat to hai manzūr magar

    us ko manzil patā ho ye zarūrī to nahīñ

    ai 'kañval' ne kabhī koī taraddud bhī kiyā

    ik muqaddar burā ho ye zarūrī to nahīñ

    shikwa-e-jaur-o-jafa ho ye zaruri to nahin

    hashr ulfat ka bura ho ye zaruri to nahin

    arz-e-matlab bhi KHata ho ye zaruri to nahin

    is mein tauhin-e-wafa ho ye zaruri to nahin

    haq mohabbat ka ada ho ye zaruri to nahin

    dard-e-dil ki bhi dawa ho ye zaruri to nahin

    jaur altaf-numa ho ye zaruri to nahin

    gham ki talKHi mein maza ho ye zaruri to nahin

    ibtida shauq ki hoti hai pur-ummid aksar

    us ka anjam bura ho ye zaruri to nahin

    is qadar bhi koi baaton mein na aae ai dil

    un ki har baat baja ho ye zaruri to nahin

    hum ne qurban kiye ishq mein jaan-o-dil bhi

    hurmat-e-ahl-e-wafa ho ye zaruri to nahin

    mar Dala teri ek tarz-e-taghaful ne mujhe

    aur tajdid-e-jafa ho ye zaruri to nahin

    main gunahgar-e-mohabbat hun ye taslim magar

    har sitam mujh pe rawa ho ye zaruri to nahin

    dekhiye jaur-e-musalsal pe mere zabt ki tab

    lab pe shikwa ho gila ho ye zaruri to nahin

    jin se ai dil tera kuchh KHas talluq Thahra

    un se izhaar-e-wafa ho ye zaruri to nahin

    tarjuman-e-dil-e-betab to nazren bhi hain

    kuchh zaban se bhi ada ho ye zaruri to nahin

    dil-e-betab ko taskin to mil jati hai

    meri har aah rasa ho ye zaruri to nahin

    mujh ko rahbar ki qayaadat to hai manzur magar

    us ko manzil ka pata ho ye zaruri to nahin

    ai 'kanwal' tu ne kabhi koi taraddud bhi kiya

    ek muqaddar hi bura ho ye zaruri to nahin

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY