sho’la-e-hijr jo lapka hoga

sho’la-e-hijr jo lapkā hogā

ashk-e-ġham aañkh meñ machlā hogā

chhoḌ degā hameñ chalte chalte

kyā ḳhabar thī ki vo aisā hogā

phir se duniyā-e-mohabbat ujḌī

phir se ik she'r ġhazal kā hogā

ḳhāmushī meñ ye sadā kis ne dī

dil tirī yaad meñ dhaḌkā hogā

jaañ meñ jaañ aa.ī hai maiḳhāne meñ

bojh dil kā yahāñ halkā hogā

garche hai bazm-e-tamannā raushan

'ishq phir se na ḳhudāyā hogā

'umr-e-be-kār vo gar aa jaa.e

ḳhadsha-e-marg na paidā hogā

nāshanāsān-e-vafā ne 'kāmī'

tere baare meñ na sochā hogā

sho’la-e-hijr jo lapka hoga

ashk-e-gham aankh mein machla hoga

chhoD dega hamein chalte chalte

kya KHabar thi ki wo aisa hoga

phir se duniya-e-mohabbat ujDi

phir se ek she'r ghazal ka hoga

KHamushi mein ye sada kis ne di

dil teri yaad mein dhaDka hoga

jaan mein jaan aai hai maiKHane mein

bojh dil ka yahan halka hoga

garche hai bazm-e-tamanna raushan

'ishq phir se na KHudaya hoga

'umr-e-be-kar wo gar aa jae

KHadsha-e-marg na paida hoga

nashanasan-e-wafa ne 'kaami'

tere bare mein na socha hoga