shohrat-e-fan bahut hui dad kamal de gae

shohrat-e-fan bahut huī daad kamāl de ga.e

sher to dosto magar sāhib-e-hāl de ga.e

navard gudāz jo bhī thā dil kī lagī kā khel thā

shīsha-e-zindagī ko ham sham-e-ḳhayāl de ga.e

pursish-e-ġham ke saath thī shirkat-e-ġham nigāh meñ

kitnā malāl le ga.e kitnā malāl de ga.e

sub.h-e-chaman chaman na.ī shām-e-kiran kiran na.ī

ham tirī kā.enāt ko terā jamāl de ga.e

ham se judā hue to kyā ham se judā na rah sake

ā.īna firāq ko aks-e-visāl de ga.e

shohrat-e-fan bahut hui dad kamal de gae

sher to dosto magar sahib-e-haal de gae

naward gudaz jo bhi tha dil ki lagi ka khel tha

shisha-e-zindagi ko hum sham-e-KHayal de gae

pursish-e-gham ke sath thi shirkat-e-gham nigah mein

kitna malal le gae kitna malal de gae

subh-e-chaman chaman nai sham-e-kiran kiran nai

hum teri kaenat ko tera jamal de gae

hum se juda hue to kya hum se juda na rah sake

aaina firaq ko aks-e-visal de gae