shukr-e-karam bhi shikwa-e-gham bhi sare unwan aap hue

shukr-e-karam bhī shikva-e-ġham bhī saare unvāñ aap hue

mujh pe tavajjoh aap ne kī thī mujh se gurezāñ aap hue

dast-e-talab kab maiñ ne baḌhāyā kuchh na milā to shikva kyā

kyuuñ mere dāmān-e-tahī par itne pashemāñ aap hue

ḳhāk-e-dasht-e-vafā thī ruḳh par varna koī baat na thī

aa.ina apnā dhuñdlā pā kar kitne hairāñ aap hue

uf ye tavāzo.a haa.e ye ḳhātir koī bhalā kis dil se kare

umr tamām jahāñ rahnā thā is ghar mehmāñ aap hue

aap ke dam se 'shāz' kā fan hai husn-e-bayāñ hai rañg-e-suḳhan hai

naam hamārā chal niklā hai sāhab-e-dīvāñ aap hue

shukr-e-karam bhi shikwa-e-gham bhi sare unwan aap hue

mujh pe tawajjoh aap ne ki thi mujh se gurezan aap hue

dast-e-talab kab main ne baDhaya kuchh na mila to shikwa kya

kyun mere daman-e-tahi par itne pasheman aap hue

KHak-e-dasht-e-wafa thi ruKH par warna koi baat na thi

aaina apna dhundla pa kar kitne hairan aap hue

uf ye tawazoa hae ye KHatir koi bhala kis dil se kare

umr tamam jahan rahna tha is ghar mehman aap hue

aap ke dam se 'shaz' ka fan hai husn-e-bayan hai rang-e-suKHan hai

nam hamara chal nikla hai sahab-e-diwan aap hue