shukriya bich safar aapne tanha chhoDa

shukriya biich safar aap ne tanhā chhoḌā

is tarah aap ne mujh se mirā rishta joḌā

shiddat-e-taish se kaañp uTThī haiñ saarī shāḳheñ

jab bhī gulchīñ ne kisī shāḳh se gul ko toḌā

apne andar se vo ik dam na nikālegā mujhe

mujh ko āñkhoñ se vo Tapkā.egā thoḌā thoḌā

ham ne tahzīb se maiḳhāne kā badlā hai nizām

ham ne mai pheñkī na maiḳhāne meñ sāġhar toḌā

donoñ ḳhush haiñ to ab is baat kā kyā zikr kareñ

kis ne ruḳh apnā dar-e-yār se pahle moḌā

shukriya bich safar aap ne tanha chhoDa

is tarah aap ne mujh se mera rishta joDa

shiddat-e-taish se kanp uTThi hain sari shaKHen

jab bhi gulchin ne kisi shaKH se gul ko toDa

apne andar se wo ek dam na nikalega mujhe

mujh ko aankhon se wo Tapkaega thoDa thoDa

hum ne tahzib se maiKHane ka badla hai nizam

hum ne mai phenki na maiKHane mein saghar toDa

donon KHush hain to ab is baat ka kya zikr karen

kis ne ruKH apna dar-e-yar se pahle moDa