sine ke dagh un ko dikhae na ja sake

siine ke daaġh un ko dikhā.e na jā sake

mujh se fasāne ġham ke sunā.e na jā sake

aise nagar meñ merā muqaddar huā muqīm

jis meñ ḳhushī ke diip jalā.e na jā sake

aivān-e-sabr aaj zamīñ-bos ho gayā

palkoñ meñ ashk mujh se chhupā.e na jā sake

ham ne to ḳhūn-e-dil se khilā.e haiñ gulsitāñ

tum se to ḳhār-o-ḳhas bhī ugaa.e na jā sake

gulshan jo thā ḳhulūs kā yaksar jhulas gayā

jab nafratoñ ke sho'le bujhā.e na jā sake

bār-e-garāñ uThātā rahā huuñ magar 'valī'

ehsāñ kisī ke mujh se uThā.e na jā sake

sine ke dagh un ko dikhae na ja sake

mujh se fasane gham ke sunae na ja sake

aise nagar mein mera muqaddar hua muqim

jis mein KHushi ke dip jalae na ja sake

aiwan-e-sabr aaj zamin-bos ho gaya

palkon mein ashk mujh se chhupae na ja sake

hum ne to KHun-e-dil se khilae hain gulsitan

tum se to KHar-o-KHas bhi ugae na ja sake

gulshan jo tha KHulus ka yaksar jhulas gaya

jab nafraton ke sho'le bujhae na ja sake

bar-e-garan uThata raha hun magar 'wali'

ehsan kisi ke mujh se uThae na ja sake