simaT rahi thi wahan raat paikar-e-jaan mein
simaT rahī thī vahāñ raat paikar-e-jāñ meñ
ajiib hū kā samāñ thā dayār-e-jānāñ meñ
vo TikTikī hī na thī lafz jis se bol uThe
koī sadā hī na thī ab to dasht-e-imkāñ meñ
kahāñ gayā vo tire saath kā ta.alluq-e-jāñ
ki sab añdhere the pinhāñ jabīn-e-tābāñ meñ
hayāt-zār huī dekhte rahe ham bhī
ki koī bhī to pashemāñ na thā dil-o-jāñ meñ
maiñ terā raaz thā tere vajūd se pahle
tirī to chhab bhī na thī jab dayār-e-ḳhūbāñ meñ
maraz zarūr hai āshuftagī ne jaan liyā
magar ummīd nahīñ rah ga.ī thī darmāñ meñ
vo tai-shuda thā jise pūchhne chale the 'matīn'
nahīñ nahīñ meñ milā kuchh na us kī haañ haañ meñ
simaT rahi thi wahan raat paikar-e-jaan mein
ajib hu ka saman tha dayar-e-jaanan mein
wo TikTiki hi na thi lafz jis se bol uThe
koi sada hi na thi ab to dasht-e-imkan mein
kahan gaya wo tere sath ka talluq-e-jaan
ki sab andhere the pinhan jabin-e-taban mein
hayat-zar hui dekhte rahe hum bhi
ki koi bhi to pasheman na tha dil-o-jaan mein
main tera raaz tha tere wajud se pahle
teri to chhab bhi na thi jab dayar-e-KHuban mein
maraz zarur hai aashuftagi ne jaan liya
magar ummid nahin rah gai thi darman mein
wo tai-shuda tha jise puchhne chale the 'matin'
nahin nahin mein mila kuchh na us ki han han mein
Source:
Sareer-e-Jaan (Pg. 117)
- Author: Iqbal Mateen
-
- Publisher: Kul Hind Urdu Research Scholars Council
- Year of Publication: 2006
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.