so rahenge ki jagte rahenge

so raheñge ki jāgte raheñge

ham tire ḳhvāb dekhte raheñge

tū kahīñ aur DhūñDhtā rahegā

ham kahīñ aur hī khile raheñge

rāhgīroñ ne rah badalnī hai

peḌ apnī jagah khaḌe rahe haiñ

barf pighlegī aur pahāḌoñ meñ

sālhā-sāl rāste raheñge

sabhī mausam haiñ dastaras meñ tirī

tū ne chāhā to ham hare raheñge

lauTnā kab hai tū ne par tujh ko

ādatan hī pukārte raheñge

tujh ko paane meñ mas.ala ye hai

tujh ko khone ke vasvase raheñge

tū idhar dekh mujh se bāteñ kar

yaar chashme to phūTte raheñge

so rahenge ki jagte rahenge

hum tere KHwab dekhte rahenge

tu kahin aur DhunDhta rahega

hum kahin aur hi khile rahenge

rahgiron ne rah badalni hai

peD apni jagah khaDe rahe hain

barf pighlegi aur pahaDon mein

salha-sal raste rahenge

sabhi mausam hain dastaras mein teri

tu ne chaha to hum hare rahenge

lauTna kab hai tu ne par tujh ko

aadatan hi pukarte rahenge

tujh ko pane mein masala ye hai

tujh ko khone ke waswase rahenge

tu idhar dekh mujh se baaten kar

yar chashme to phuTte rahenge