sunta nahin kisu hi ki wo yar dekhna

suntā nahīñ kisū hī kī vo yaar dekhnā

kiijo na us se hāl-e-dil iz.hār dekhnā

gustāḳh be-tarah hai tujh āġhosh se ye haath

ho jā.egā gale kā tire haar dekhnā

tujh dar pe misl-e-naqsh-e-qadam ek umr se

pyāre fatāda hai ye gunahgār dekhnā

ghar tere ga.e pe tujh kuuñ na paayā bilā raqīb

mujh ko huā ye gul ke evaz ḳhaar dekhnā

sham-e-jamāl apne pe chāhe jo imtihāñ

parvāna-vār mujh ko bhī yak-bār dekhnā

koī tīra-baḳht mujh sā bhī hogā jahān meñ

tujh zulf se milā na mujhe taar dekhnā

is rāz-e-ishq ko kahīñ ro ro ke sham.a saañ

iz.hār kījiyo na 'jahāñdār' dekhnā

sunta nahin kisu hi ki wo yar dekhna

kijo na us se haal-e-dil izhaar dekhna

gustaKH be-tarah hai tujh aaghosh se ye hath

ho jaega gale ka tere haar dekhna

tujh dar pe misl-e-naqsh-e-qadam ek umr se

pyare fatada hai ye gunahgar dekhna

ghar tere gae pe tujh kun na paya bila raqib

mujh ko hua ye gul ke ewaz KHar dekhna

sham-e-jamal apne pe chahe jo imtihan

parwana-war mujh ko bhi yak-bar dekhna

koi tira-baKHt mujh sa bhi hoga jahan mein

tujh zulf se mila na mujhe tar dekhna

is raaz-e-ishq ko kahin ro ro ke shama san

izhaar kijiyo na 'jahandar' dekhna