surKH chaman zanjir kiye hain sabz samundar laya hun
Interesting Fact
Saqi Farooqi himself has said that this ghazal is a manifesto of his poetry.
surḳh chaman zanjīr kiye haiñ sabz samundar laayā huuñ
maiñ to duniyā bhar ke manzar āñkhoñ meñ bhar laayā huuñ
jañgal the aur log purāne sog pahan kar sote the
ek anokhe ḳhvāb se apnī jaan chhuḌā kar laayā huuñ
maiñ itnā mohtāj nahīñ huuñ tū itnā māyūs na ho
aaj barahna-chashm nahīñ ashkoñ kī chādar laayā huuñ
sirf nashāt-añgez fazā meñ lahje kī tahzīb huī
dekh apne nauhoñ ke alam naġhmoñ ke barābar laayā huuñ
'sāqī' yādoñ kī fasdoñ se jiitā jiitā ḳhuun bahe
maiñ rañgoñ kī fasleñ kaaT ke aaj apne ghar laayā huuñ
surKH chaman zanjir kiye hain sabz samundar laya hun
main to duniya bhar ke manzar aankhon mein bhar laya hun
jangal the aur log purane sog pahan kar sote the
ek anokhe KHwab se apni jaan chhuDa kar laya hun
main itna mohtaj nahin hun tu itna mayus na ho
aaj barahna-chashm nahin ashkon ki chadar laya hun
sirf nashat-angez faza mein lahje ki tahzib hui
dekh apne nauhon ke alam naghmon ke barabar laya hun
'saqi' yaadon ki fasdon se jita jita KHun bahe
main rangon ki faslen kaT ke aaj apne ghar laya hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
