suraj jaisa jism tha jis se baiThe the hum saT ke

sūraj jaisā jism thā jis se baiThe the ham saT ke

āñkheñ chauñdha.īñ to ham ne dekhā pīchhe haT ke

jannat se uktā.e hue do dil duniyā meñ ram ga.e

āsmān se girne vaale aa ke khajūr meñ aTke

raushnīyoñ se bhāgne vaale log haiñ dekho in kī

āñkhoñ ko scrēneñ khā ga.iiñ aur diloñ ko khaTke

billiyoñ bhāge chhīñke TuuTe aur qismat ke maare

kavvoñ ko bharne paḌ rahe haiñ kankar chun chun maTke

'umreñ biit ga.iiñ tab jā kar kaam hunar aa.e haiñ

phande lagānā siikh ga.e haiñ ham rassī baT baT ke

'ishq hai registān so is meñ kaise sāvan bhādoñ

kabhī kabhī aa jaate haiñ kuchh bādal bhūle bhaTke

prem-nagar meñ māñgne vaale bhūkoñ mar jaate haiñ

is bastī meñ khā nahīñ saktā koī chhīn jhapaT ke

us ke sāmne yuuñ haiñ jaise saañp ne sūñgh liyā ho

hoñToñ pe taale lag ga.e haiñ aaj har ik muñh-phaT ke

raajā jī to jo bhī jī meñ aayā bake jaate the

ammāñ jhuñjhlā kar ye bolīñ aag lage lampaT ke

suraj jaisa jism tha jis se baiThe the hum saT ke

aankhen chaundhain to hum ne dekha pichhe haT ke

jannat se uktae hue do dil duniya mein ram gae

aasman se girne wale aa ke khajur mein aTke

raushniyon se bhagne wale log hain dekho in ki

aankhon ko screenen kha gain aur dilon ko khaTke

billiyon bhage chhinke TuTe aur qismat ke mare

kawwon ko bharne paD rahe hain kankar chun chun maTke

'umren bit gain tab ja kar kaam hunar aae hain

phande lagana sikh gae hain hum rassi baT baT ke

'ishq hai registan so is mein kaise sawan bhadon

kabhi kabhi aa jate hain kuchh baadal bhule bhaTke

prem-nagar mein mangne wale bhukon mar jate hain

is basti mein kha nahin sakta koi chhin jhapaT ke

us ke samne yun hain jaise sanp ne sungh liya ho

honTon pe tale lag gae hain aaj har ek munh-phaT ke

raja ji to jo bhi ji mein aaya bake jate the

amman jhunjhla kar ye bolin aag lage lampaT ke