tabah ho ke bhi ek apni aan baqi hai
tabāh ho ke bhī ik apnī aan baaqī hai
baġhāvatoñ kī taḌap ġham kī jaan baaqī hai
ḳhalā meñ Duub ke ham ko bhī ye huā ma.alūm
ki kuchh nahīñ hai magar āsmān baaqī hai
ye mat kaho ki luTī kā.enāt-e-dard tamām
ki zaḳhm zaḳhm ye saarā jahān baaqī hai
maiñ kaise chhoḌ duuñ TuuTe hue dar-o-dīvār
shikasta ḳhvāb kā tanhā makān baaqī hai
na ḳhatm hoñge masā.ib ke silsile 'bāqar'
hazār ḳhaar hue imtihān baaqī hai
tabah ho ke bhi ek apni aan baqi hai
baghawaton ki taDap gham ki jaan baqi hai
KHala mein Dub ke hum ko bhi ye hua malum
ki kuchh nahin hai magar aasman baqi hai
ye mat kaho ki luTi kaenat-e-dard tamam
ki zaKHm zaKHm ye sara jahan baqi hai
main kaise chhoD dun TuTe hue dar-o-diwar
shikasta KHwab ka tanha makan baqi hai
na KHatm honge masaib ke silsile 'baqar'
hazar KHar hue imtihan baqi hai
Source:
Monthly Usloob (Pg. 523)
- Author: Mushfiq Khawaja
-
- Edition: Oct. õ Nov. 1983,Issue No. 5-6
- Publisher: Usloob 3D 9—26 Nazimabad karachi 180007
- Year of Publication: Oct. õ Nov. 1983,Issue No. 5-6
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
