aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tajdid-e-ahd kar kisi simin badan ke sath

Talib Baghpati

tajdid-e-ahd kar kisi simin badan ke sath

Talib Baghpati

MORE BYTalib Baghpati

    Interesting Fact

    Dedicated to Hafiz, March 1928

    tajdīd-e-ahd kar kisī sīmīñ badan ke saath

    ya.anī luTā shabāb sharāb-e-kuhan ke saath

    vābasta-e-bahār ho ḳhud misl-e-rañg-o-bū

    yuuñ zindagī guzār kisī gul-e-badan ke saath

    haañ ai muġhanniya koī maddham raag chheḌ

    ya.anī milā rabāb dil-e-pur-mehan ke saath

    saaqī pilā sharāb zakāt-e-shabāb de

    haañ phir koī mazāq dil-e-pur-mehan ke saath

    dil chāhtā hai phir koī bahkā huā tiir

    phir khīñch le kamān usī bāñkpan ke saath

    zāhid ye talḳh guftugū ye sun hazār haif

    zālim guzār kisī shīrīñ-dahan ke saath

    turfa sitam haiñ charḳh ye āzmā.isheñ

    vo bhī sharīk-e-ġham haiñ dil-e-pur-mehan ke saath

    mahrūm-e-iltifāt nahīñ chheḌ hai murād

    dil ko bhī laag hai nigah-e-pur-fatan ke saath

    'tālib' mujhī se pūchhnā 'tālib' kaun hai

    hañs denā phir kisī ajab bhole-pan ke saath

    tajdid-e-ahd kar kisi simin badan ke sath

    yani luTa shabab sharab-e-kuhan ke sath

    wabasta-e-bahaar ho KHud misl-e-rang-o-bu

    yun zindagi guzar kisi gul-e-badan ke sath

    han ai mughanniya koi maddham sa rag chheD

    yani mila rabab dil-e-pur-mehan ke sath

    saqi pila sharab zakat-e-shabab de

    han phir koi mazaq dil-e-pur-mehan ke sath

    dil chahta hai phir koi bahka hua sa tir

    phir khinch le kaman usi bankpan ke sath

    zahid ye talKH guftugu ye sun hazar haif

    zalim guzar di kisi shirin-dahan ke sath

    turfa sitam hain charKH ki ye aazmaishen

    wo bhi sharik-e-gham hain dil-e-pur-mehan ke sath

    mahrum-e-iltifat nahin chheD hai murad

    dil ko bhi lag hai nigah-e-pur-fatan ke sath

    'talib' mujhi se puchhna 'talib' tu kaun hai

    hans dena phir kisi ka ajab bhole-pan ke sath

    Source:

    Shakh-e-Nabat (Pg. 183)

    • Author: Talib Baghpati
      • Publisher: Munshi Har Parshad
      • Year of Publication: 1936
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now