tanz karta hai aaina mujh par

tanz kartā hai aa.ina mujh par

vaqt kaisā ye aa paḌā mujh par

ek halkī sī zarb maarī thī

shahr saarā hī aa paḌā mujh par

aisā lagne lagā hai ab mujh ko

har musībat kī intihā mujh par

jaan de kar hī ho sakā hai adā

ka.ī sadiyoñ kā qarz thā mujh par

sūra-e-nās paḌhtā rahtā huuñ

koī jaadū na chal sakā mujh par

DhūñDne ek bhī nahīñ niklā

sabhī paḌhte haiñ fātiha mujh par

umr guzrī vafā-shi.ārī meñ

qatl honā bhī farz thā mujh par

log karte ga.e karam pe karam

qarz baḌhtā chalā gayā mujh par

chaltā rahtā huuñ bin thake 'parvez'

khultā jaatā hai rāsta mujh par

tanz karta hai aaina mujh par

waqt kaisa ye aa paDa mujh par

ek halki si zarb mari thi

shahr sara hi aa paDa mujh par

aisa lagne laga hai ab mujh ko

har musibat ki intiha mujh par

jaan de kar hi ho saka hai ada

kai sadiyon ka qarz tha mujh par

sura-e-nas paDhta rahta hun

koi jadu na chal saka mujh par

DhunDne ek bhi nahin nikla

sabhi paDhte hain fatiha mujh par

umr guzri wafa-shiari mein

qatl hona bhi farz tha mujh par

log karte gae karam pe karam

qarz baDhta chala gaya mujh par

chalta rahta hun bin thake 'parwez'

khulta jata hai rasta mujh par