jo bojh hai dil par use kam karte rahenge

jo bojh hai dil par use kam karte rahenge

shā.ir haiñ to har naak meñ dam karte rahenge

ye pārTī achchhī hai na vo pārTī achchhī

leader ko zarūrī hai udham karte rahenge

le ā.eñge sāmān ko custam se bachā kar

is tarah se ham sair-e-haram karte rahenge

ahbāb ko le Dūbeñge ahvāl sunā kar

vābastoñ ko vābasta-e-ġham karte rahenge

ye roz-e-mulāqāt hī mālūm thā ham ko

māshūq jo haiñ aap sitam karte rahenge

beTe jo chale jā.eñge sasurāl ke ghar ko

ham baap haiñ aulād kā ġham karte rahenge

ham naam pe firqoñ ke laḌā.enge 'rahīm' ab

yuuñ parvarish-e-dair-o-haram karte rahenge

jo bojh hai dil par use kam karte rahenge

shair hain to har nak mein dam karte rahenge

ye parTi achchhi hai na wo parTi achchhi

leader ko zaruri hai udham karte rahenge

le aaenge saman ko custam se bacha kar

is tarah se hum sair-e-haram karte rahenge

ahbab ko le Dubenge ahwal suna kar

wabaston ko wabasta-e-gham karte rahenge

ye roz-e-mulaqat hi malum tha hum ko

mashuq jo hain aap sitam karte rahenge

beTe jo chale jaenge sasural ke ghar ko

hum bap hain aulad ka gham karte rahenge

hum nam pe firqon ke laDaenge 'rahim' ab

yun parwarish-e-dair-o-haram karte rahenge