kahta hun ammi sas ko abba KHusar ko main

kahtā huuñ ammī saas ko abbā ḳhusar ko maiñ

phir kyoñ na jānūñ apnā hī ghar un ke ghar ko maiñ

tanhā hai merā dil to juḌā do kisī kā dil

kah dūñgā dil kī baat kisī doctor ko maiñ

apnī makān vaalī kā apnā vaqār hai

kaise mahal kahūñgā na apne khañDar ko maiñ

mil jaa.e mujh ko chance jo hero kā dosto

pal meñ pachhāḌ Dālūñgā sher-o-babar ko maiñ

uTh jaa.e merī lāTrī qismat se dekhnā

chanda bhī dūñgā ek din allah ke ghar ko maiñ

tū yā koī raqīb kā bachcha dikhā.ī de

taktā huuñ sub.h-o-shām tirī rahguzar ko maiñ

tirpaT hī paale paḌ ga.ī mere zahe nasīb

pahle adā samajhtā thā tirchhī nazar ko maiñ

ūñchī uḌaan itnī girānī kī ho ga.ī

ik din zarūr jā lūñgā shams-o-qamar ko maiñ

fashion se un ke dhokā huā hai mujhe 'rahīm'

maada samajh ke chheḌne vaalā thā nar ko maiñ

kahta hun ammi sas ko abba KHusar ko main

phir kyon na jaanun apna hi ghar un ke ghar ko main

tanha hai mera dil to juDa do kisi ka dil

kah dunga dil ki baat kisi doctor ko main

apni makan wali ka apna waqar hai

kaise mahal kahunga na apne khanDar ko main

mil jae mujh ko chance jo hero ka dosto

pal mein pachhaD Dalunga sher-o-babar ko main

uTh jae meri laTri qismat se dekhna

chanda bhi dunga ek din allah ke ghar ko main

tu ya koi raqib ka bachcha dikhai de

takta hun subh-o-sham teri rahguzar ko main

tirpaT hi pale paD gai mere zahe nasib

pahle ada samajhta tha tirchhi nazar ko main

unchi uDan itni girani ki ho gai

ek din zarur ja lunga shams-o-qamar ko main

fashion se un ke dhoka hua hai mujhe 'rahim'

mada samajh ke chheDne wala tha nar ko main