taqdir mein izafa-e-soz-e-wafa hua

taqdīr meñ izāfa-e-soz-e-vafā huā

dil meñ jo tum ne aag lagā dī to kyā huā

kahte haiñ jis ko maut hai ik be-ḳhudī kī niiñd

us ko fanā kahāñ hai jo tujh par fanā huā

ai ḳhādimān-e-husn ye kyā intizām hai

ab tak charāġh-e-tūr paḌā hai bujhā huā

hastī o nīstī kī hadeñ duur rah ga.iiñ

ye aa gayā kahāñ maiñ tujhe DhūñDhtā huā

muñh se duā nikal hī ga.ī vaqt-e-qatl bhī

kahnā ye thā ki haqq-e-mohabbat adā huā

bahs-e-niyāz-o-nāz thī kal bazm-e-husn meñ

'sīmāb' kuchh ḳhabar nahīñ kyā faisla huā

taqdir mein izafa-e-soz-e-wafa hua

dil mein jo tum ne aag laga di to kya hua

kahte hain jis ko maut hai ek be-KHudi ki nind

us ko fana kahan hai jo tujh par fana hua

ai KHadiman-e-husn ye kya intizam hai

ab tak charagh-e-tur paDa hai bujha hua

hasti o nisti ki haden dur rah gain

ye aa gaya kahan main tujhe DhunDhta hua

munh se dua nikal hi gai waqt-e-qatl bhi

kahna ye tha ki haqq-e-mohabbat ada hua

bahs-e-niyaz-o-naz thi kal bazm-e-husn mein

'simab' kuchh KHabar nahin kya faisla hua