aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tasawwur bandhte hain us ka jab wahshat ke mare hum

Jurat Qalandar Bakhsh

tasawwur bandhte hain us ka jab wahshat ke mare hum

Jurat Qalandar Bakhsh

MORE BYJurat Qalandar Bakhsh

    tasavvur bāñdhte haiñ us jab vahshat ke maare ham

    to phir karte haiñ aap aap kyā kyā kuchh ishāre ham

    kahe hai yuuñ dil-e-muztar se us bin jān-e-ġham-dīda

    chalo tum rafta rafta aate haiñ pīchhe tumhāre ham

    ka.ī baar us ne dekhā aaj chashm-e-qahr se ham ko

    sazā-vār-e-uqūbat to hue ai baḳht baare ham

    na maanī dil ne apnī aur na ham ne baat nāseh

    hameñ kah kah ke haarā vo use kah ke haare ham

    vo jab ā.īna dekhe hai to kyā kyā muskurātā hai

    samajh kar ye ki ya.anī haiñ qayāmat pyāre pyāre ham

    milā lutf-e-suḳhan kyā ḳhaak ham ko us mahfil meñ

    ki chup baiThe rahe juuñ naqsh-e-dīvār ik kināre ham

    hue haiñ chāhne vaale tumhāre saikḌoñ paidā

    ye sach hai ki kis gintī meñ haiñ yaañ ab bichāre ham

    kisī mahvash ke ġham ne kar diyā nā-tāqat aisā

    ki chhuTte dekhte haiñ aksar āñkhoñ aage taare ham

    uThā kar aañkh to tum dekh lo yaañ koī dekhe hai

    zarā qurbān hone do hameñ sadqe tumhāre ham

    kareñ kyā aah aur kis se kaheñ ham apnī bechainī

    kahīñ chain ab tire hāthoñ nahīñ paate haiñ pyāre ham

    qarār ik nazar aatā nahīñ hai be-qarārī meñ

    gul-e-bāzī sūrat phirte haiñ bas maare maare ham

    hameñ kyā ḳhatra-e-jāñ hai ki ham haiñ naam ko 'jur.at'

    na hoñ phir kyuuñ ki maidān-e-mohabbat meñ utāre ham

    tasawwur bandhte hain us ka jab wahshat ke mare hum

    to phir karte hain aap hi aap kya kya kuchh ishaare hum

    kahe hai yun dil-e-muztar se us bin jaan-e-gham-dida

    chalo tum rafta rafta aate hain pichhe tumhaare hum

    kai bar us ne dekha aaj chashm-e-qahr se hum ko

    saza-war-e-uqubat to hue ai baKHt bare hum

    na mani dil ne apni aur na hum ne baat naseh ki

    hamein kah kah ke haara wo use kah ke haare hum

    wo jab aaina dekhe hai to kya kya muskuraata hai

    samajh kar ye ki yani hain qayamat pyare pyare hum

    mila lutf-e-suKHan kya KHak hum ko us ki mahfil mein

    ki chup baiThe rahe jun naqsh-e-diwar ek kinare hum

    hue hain chahne wale tumhaare saikDon paida

    ye sach hai ji ki kis ginti mein hain yan ab bichaare hum

    kisi mahwash ke gham ne kar diya na-taqat aisa hi

    ki chhuTte dekhte hain aksar aankhon aage tare hum

    uTha kar aankh to tum dekh lo yan koi dekhe hai

    zara qurban hone do hamein sadqe tumhaare hum

    karen kya aah aur kis se kahen hum apni bechaini

    kahin chain ab tere hathon nahin pate hain pyare hum

    qarar ek ja nazar aata nahin hai be-qarari mein

    gul-e-bazi ki surat phirte hain bas mare mare hum

    hamein kya KHatra-e-jaan hai ki hum hain nam ko 'jurat'

    na hon phir kyun ki maidan-e-mohabbat mein utare hum

    Source:

    Kulliyat-e-Jura t áVolume-01 â (Pg. page-415 ebook-455)

    • Author: Jurat Qalandar Bakhsh
      • Edition: 1968
      • Publisher: Majlis-e-Taraqqi-e-Adab, Lahore
      • Year of Publication: 1968
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now