taswir paniyon ki kuchh aisi banai jae

tasvīr pāniyoñ kī kuchh aisī banā.ī jaa.e

had-e-nazar tak aag bhaḌaktī dikhā.ī jaa.e

aañsū bhī sair ke liye aate haiñ aañkh meñ

ye aabjū bhī bāra-darī se milā.ī jaa.e

us ne talab kiyā hai sar-e-dast mo'jiza

sūraj kī har kiran mirī muTThī meñ laa.ī jaa.e

dhokā-dahī se ab ke baras bhī ḳharīd use

jā'lī currency ab ke baras bhī chalā.ī jaa.e

vo shaḳhs narm dil hai to phir der kis liye

kachchī zamīñ pe puḳhta havelī banā.ī jaa.e

merī qad-āvarī kī ḳhabar phir se garm hai

bālishtiyoñ kī phir koī majlis bulā.ī jaa.e

hai us kī jang mujh se mire bhaa.ī se nahīñ

'be-dil' mahāz-e-jang pe kyoñ merā bhaa.ī jaa.e

taswir paniyon ki kuchh aisi banai jae

had-e-nazar tak aag bhaDakti dikhai jae

aansu bhi sair ke liye aate hain aankh mein

ye aabju bhi bara-dari se milai jae

us ne talab kiya hai sar-e-dast mo'jiza

suraj ki har kiran meri muTThi mein lai jae

dhoka-dahi se ab ke baras bhi KHarid use

ja'li currency ab ke baras bhi chalai jae

wo shaKHs narm dil hai to phir der kis liye

kachchi zamin pe puKHta haweli banai jae

meri qad-awari ki KHabar phir se garm hai

baalishtiyon ki phir koi majlis bulai jae

hai us ki jang mujh se mere bhai se nahin

'be-dil' mahaz-e-jang pe kyon mera bhai jae