tayyar bahut mauj rawani ke liye hai

tayyār bahut mauj ravānī ke liye hai

lekin koī mushkil kahīñ paanī ke liye hai

logoñ ne agar mujh pe yahāñ tañg zamīñ kī

ik aur jagah naql-e-makānī ke liye hai

is bāb-e-jahāñ meñ ye tirā harf-e-shab-o-roz

mohtāj bahut apne ma.ānī ke liye hai

jis shahr kā ifrāt-e-mohabbat meñ thā shohra

mash.hūr ab us shai kī girānī ke liye hai

sunte hue sone pe jo aa.egā zamāna

ik moḌ mire paas kahānī ke liye hai

jalte hue dekhā hai kahīñ sham-e-havā ko

kaafī ye mujhe us kī nishānī ke liye hai

jaanā hai kahāñ us ne kisī shāḳh se jhaḌ kar

āvārgī hī barg-e-ḳhizānī ke liye hai

begār banā Daalā hai ik yaad ko tū ne

ye kaam kisī shaam suhānī ke liye hai

ye khoj jo har dar pe liye phirtī hai 'shāhīñ'

ik ghar meñ kisī shakl purānī ke liye hai

tayyar bahut mauj rawani ke liye hai

lekin koi mushkil kahin pani ke liye hai

logon ne agar mujh pe yahan tang zamin ki

ek aur jagah naql-e-makani ke liye hai

is bab-e-jahan mein ye tera harf-e-shab-o-roz

mohtaj bahut apne maani ke liye hai

jis shahr ka ifraat-e-mohabbat mein tha shohra

mashhur ab us shai ki girani ke liye hai

sunte hue sone pe jo aaega zamana

ek moD mere pas kahani ke liye hai

jalte hue dekha hai kahin sham-e-hawa ko

kafi ye mujhe us ki nishani ke liye hai

jaana hai kahan us ne kisi shaKH se jhaD kar

aawargi hi barg-e-KHizani ke liye hai

begar bana Dala hai ek yaad ko tu ne

ye kaam kisi sham suhani ke liye hai

ye khoj jo har dar pe liye phirti hai 'shahin'

ek ghar mein kisi shakl purani ke liye hai