teri raat mein gahma-gahmi meri har ek raat mein chup

Shiraz Ali

teri raat mein gahma-gahmi meri har ek raat mein chup

Shiraz Ali

MORE BYShiraz Ali

    terī raat meñ gahmā-gahmī merī har ik raat meñ chup

    terī chup meñ sab bāteñ haiñ merī har ik baat meñ chup

    ik ik kar ke saare apne mujh se aise duur ga.e

    tanhā.ī ne Derā Daalā phailī andar zaat meñ chup

    jaane kaisī ye qismat hai chāhūñ kuchh to hotā kuchh

    maiñ raunaq ko DhūñD rahā huuñ aur hai merī ghaat meñ chup

    maiñ ne us se jaate jaate ek nishānī māñgī thī

    us ne rog ināyat kar ke mujh ko sauġhāt meñ chup

    ek nagar ābād huā to ik bastī vīrān huī

    shahr āb-o-tāb baḌhī aur phail ga.ī dehāt meñ chup

    ab bhī baaġh meñ ḳhāmoshī ke zaḳhm numāyāñ dikhte haiñ

    ek baḌe tūfān mānind aa.ī thī barsāt meñ chup

    teri raat mein gahma-gahmi meri har ek raat mein chup

    teri chup mein sab baaten hain meri har ek baat mein chup

    ek ek kar ke sare apne mujh se aise dur gae

    tanhai ne Dera Dala phaili andar zat mein chup

    jaane kaisi ye qismat hai chahun kuchh to hota kuchh

    main raunaq ko DhunD raha hun aur hai meri ghat mein chup

    main ne us se jate jate ek nishani mangi thi

    us ne rog inayat kar ke di mujh ko saughat mein chup

    ek nagar aabaad hua to ek basti viran hui

    shahr ki aab-o-tab baDhi aur phail gai dehat mein chup

    ab bhi bagh mein KHamoshi ke zaKHm numayan dikhte hain

    ek baDe tufan ki manind aai thi barsat mein chup

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now